मुंबईत ज्याप्रमाणात वृक्षतोड होत आहे ते पाहिल्यावर झाडांची कैफियत मांडावीशी वाटली. मी स्वत: आक िर्टेक्ट असून घनकचरा व्यवस्थापनाच्या क्षेत्रात काम करतो. घरातल्या कचऱ्याचेही व्यवस्थापन करून त्यापासून आम्ही खतनिमिर्ती करतो. याच धतीर्वर गणेशोत्सवाच्या माध्यमातून झाडाचे मनोगत मांडण्याचे ठरवले. गणपती एका झाडाखाली बसला असून ते झाड बाप्पापुढे माणसांविषयी तक्रार करतंय असा देखावा उभा केला. त्यासाठी झाडाचे महत्त्व विषद करणारे फलक लावले.
'वृक्षांना जीवनदान हेच मानवाचे उत्थान',
'पुनर्प्रक्रिया कागदाची, बचत अर्ध्याने विजेची',
'कागदाचा करा पुनर्वापर, वृक्षतोडीला घाला आवर',
'कागदी बिलांचा झाडांना फास, ई-बिले वाचवतील खास',
'प्रदूषण जल आणि वायूचे, टाळा कागदाच्या पुनर्प्रक्रियेने'
अशा कागदाच्या पुनर्वापराचे फायदे सांगणाऱ्या म्हणी तयार केल्या. गणपतीच्या सजावटीत याच फलकांचा वापर केला. उद्देश एकच की बाप्पाच्या दर्शनाला येणाऱ्या प्रत्येकाने ते वाचावे आणि आपल्या परिने पर्यावरणाचे रक्षण करावे. सजावटीसाठी रद्दीतील कागदांचा वापर केला. संपूर्ण सजावट कागदी असून बाप्पाची मूतीर् धातूची आहे. पूजेसाठी मातीची एक छोटी मूतीर् तयार केली. त्या छोट्या मूतीर्चे इको-फ्रेण्डली पद्धतीने विसर्जन करणार आहोत. मूतीर् पूर्णत: मातीची असून त्यात कोणत्याही रसायनांचा वापर केलेला नाही. झाडे वाचवणं आज किती गरजेचं आहे हेच मला या माध्यमातून सांगायचं आहे. पर्यावरणाचा ऱ्हास रोखणं, झाडांची कत्तल थांबवणं ही एक प्रकारे देवाची आराधनाच आहे.
- सतीश कोळवणकर, अंधेरी, मुंबई

Add comments